ویب ڈیسک: معروف بالی وڈ گلوکار بینی دیال دوران کنسرٹ ڈرون کیمرا ٹکرانے سے زخمی ہوگئے۔
بھارتی میڈیا رپورٹس کے مطابق جمعہ کو چنئی میں ایک لائیو کنسرٹ میں پرفارمنس کے دوران ایک ڈرون کیمرا بینی دیال کے سر کے پچلھے حصے سے ٹکرا گیا جس کی وجہ سے گلوکار زخمی ہوگئے۔
سوشل میڈیا پر وائرل ہونے والی ویڈیوز میں دیکھا جاسکتا ہے کہ بینی دیال کنسرٹ میں اسٹیج پر گانا گانے میں مصروف ہیں، اس دوران ویڈیو بنانے والا ایک ڈرون کیمرا ریکارڈنگ کرتے ہوئے گلوکار کے قریب آیا اور ان کے سر کے پچھلے حصے سے ٹکرا گیا۔
ڈرون کے سر سے ٹکرانے پر گلوکار نے فوراً گانا بند کیا اور اسٹیج پر بیٹھتے ہوئے اپنے سر پر ہاتھ مَلنے لگے ، اس دوران وہاں موجود حکام ان کے پاس آگئے اور انہیں طبی امداد دی گئی۔
Famous Indian singer Benny Dayal gets hit by a drone in VIT Chennai!#BreakingNews #BennyDayal #India pic.twitter.com/o4eK2faetF
— Aakash (@AakashAllen) March 2, 2023
حادثے کے بعد بینی دیال نے مداحوں کے لیے انسٹاگرام پر ایک ویڈیو پیغام جاری کیا اور انہیں اپنی صحت کے حوالے سے آگاہ کیا۔انہوں نے بتایا کہ ڈرون کے ٹکرانے سے ان کے سر پر تھوڑی سی چوٹ آئی جبکہ ان کی 2 انگلیاں زخمی ہوئیں جس پر پٹی کی گئی ہے۔ گلوکار نے فوراً طبی امداد فراہم کرنے پر چنئی کے حکام کا شکریہ ادا کیا۔