راؤ دلشاد  : وزیر اعلیٰ مریم نوازشریف کی دارلامان میں مقیم 10خواتین کو حج پر بھیجنے سے پہلے ملاقات ہوئی، صدر مسلم لیگ ن نوازشریف بھی بزرگ خواتین کی خواہش پر ملنے دارالامان آ گئے ۔ وزیر اعلیٰ مریم نوازسے عید پر عافیت میں رہائش پذیر بزرگ خواتین نے حج کی خواہش کی تھی۔ وزیر اعلیٰ مریم نوازکی ہدایت پر 10بزرگ خواتین کے لئے حج کا انتظامات کئے گئے۔ بزرگ خواتین نے وزیر اعلیٰ مریم نوازاور نواز شریف سے ملاقات پر اظہار تشکر کیا اور انہیں دعائیں دیں ۔ 
وزیر اعلیٰ نے ہدایت کی کہ بزرگ خواتین ہماری ماؤں جیسی ہیں، ان کا بہت خیال رکھا جائے ۔ 

محمد نوازشریف کا کہنا تھا کہ حج پر جانے والوں سے ملنا ایک اعزاز ہے بہت خوشی ہوئی، مزدور کومعاشی طور پر اوپر اٹھائیں گے، غریب کا اچھا وقت آگیا ہے۔ انہوں نے کہا کہ ہماری حکومت میں خلل نہ آتا تو غربت اور بے روزگاری ختم ہوجاتی ۔ 
’کبھی سوچا بھی نہیں تھا کہ حج پر جا سکوں گی‘ بزرگ زینت بی بی مریم نواز اور نواز شریف سے ملاقات کے دوران آبدیدہ ہوگئیں۔ فریدہ رحمت علی کا کہنا تھا کہ ہمارا کوئی سہارا نہیں تھا، اللہ تعالیٰ نے آپ کو وسیلہ بنا کر بھیج دیا ۔بزرگ خاتون امیر جہاں نے کہا کہ اللہ وہاں لیکر جارہا ہے، باقی اسباب بھی اللہ بنائے گا اور حفاظت کرے گا۔ بخت مینا کا کہنا تھا کہ مریم نوازشریف نے ایسے برتاؤ کیا جیسے ہماری بیٹی ہیں۔ بزرگ خاتون نسیم اختر  نے کہا کہ نوازشریف ہمارے ملک کے معمار ہیں ملنے کی بہت خواہش تھی۔ بزرگ خاتون یاسمین ملک نماز کے بعد حج کے لئے روزانہ دعا کیا کرتے تھے۔ بزرگ خاتون عابدہ سراج نے کہا کہ اللہ ہر ماں کومریم نوازشریف جیسی بیٹی دے۔ بشیراں بی بی نے کہا کہ خوشی ہے کہ بلا وا آگیا اللہ نے مریم نوازشریف کو وسیلہ بنا دیا ۔ 
مریم نوازکی طرف سے تمام خواتین کو احرام،سوٹ اور ذادراہ پیش کیا گیا ۔ 
واضح رہے کہ عافیت میں رہائش پذیر 10 خواتین اور انچارج سمیرااسلم سعودی عرب روانہ ہوں گی ۔