(فاران یامین)ای چالاننگ میں سنچری مکمل کرنے والی کوسٹر بس پکڑی گئی، کوسٹر کو گڑھی شاہو تھانہ میں بند کروا دیا گیا۔
ٹریفک قوانین کی خلاف ورزی پر ہونے والے ای چالان نادہندگان کےخلاف گھیرا تنگ کیاگیا ہے،اب شہریوں کو ٹریفک قوانین کی خلاف ورزی سوچ سمجھ کر کرنا ہوگی۔

 سی ٹی او عمارہ اطہر کے مطابق ای چالاننگ میں سنچری مکمل کرنیوالی کوسٹر بس کو دھرلیا گیا، بس ڈرائیور نے موقعہ پر 99 مرتبہ ٹریفک سگنل،10 ای چالان دھوں چھوڑنے اور 8 مرتبہ لین لائن کی خلاف ورزی کی۔

 بس ڈرائیور نے مجموعی طور پر 117 مرتبہ ٹریفک قوانین کی خلاف ورزی کی جس پر 86 ہزار روپے جرمانہ عائدکیا گیا،گاڑی کو تھانہ گڑھی شاہو میں بند کردیا گیا ہے ، مال روڈ، جیل روڈ، مین بلیوارڈ گلبرگ، فیروز پور روڈ، وحدت روڈ سمیت اہم شاہراہوں پر ٹیمیں موجودتعینات ہیں۔