سٹی42: ٹی ٹوئنٹی ورلڈکپ میں انگلینڈ اور اسکاٹ لینڈ کا پہلا گروپ میچ بارش کی وجہ سے منسوخ کرنا پڑ گیا۔ 
 برج ٹاؤن ویسٹ انڈیز میں کھیلے  گئے میچ میں اسکاٹش کپتان نے ٹاس جیت کر پہلے بیٹنگ کرنے کو ترجیح دی اور  غیر متوقع طور پر سکاٹش اوپنرز نے  بارش کے وقفوں کے دوران 10 اوورز میں 90  رنز بنا لئے۔ 
دس اووروں کے بعد بارش دوبارہ شروع ہوئی جو رکنے میں نہیں آئی اور آخر کار میچ منسوخ ہونے کا سبب بن گئی۔ 

پہلی مرتبہ  میچ رکنے تک اسکاٹ لینڈ نےچھ اوورز میں بغیر نقصان کے 51 رنز بنالیے تھے۔ بارش رکی تو کھیل دسویں اوور تک چلا۔ اس کے بعد دوبارہ بارش ہوئی تو  بارش رکنے کے بعد  وقت تھوڑا رہ جانے کے سبب میچ کو بیس کی بجائے  10 اوورز  تک محدود کیا گیا۔

اسکاٹ لینڈ نے انگلینڈ کے خلاف مقررہ 10 اوورز میں بغیر کسی نقصان کے  90 رنز بنائے۔ مائیکل جونز  نے 45 اور جارج مونسی  نے 41 رنز  کئے۔ ان کے موڈ سے دکھائی دیتا تھا کہ وہ 20 اوورز کھیل کر بھی ناٹ آؤٹ ہی واپس آتے۔

میچ ریفریز نے انگلینڈ کو 109 رنز کا ہدف ڈک ورتھ لوئس میتھڈ کے تحت انگلینڈ کو دس اووروں کے لئے 109 رنز کا ہدف دیا لیکن تیز بارش انگلش ٹیم ک کیلئے خوش قسمتی بن گئی اور انہیں پونے گیارہ رنز کی ایوریج سے کھیلنے کا کشٹ نہیں کاٹنا پڑا۔ اس  میچ کو منسوخ کر دیا گیا ہے اور دونوں ٹیموں کو ایک ایک پوائنٹ مل گیا ہے۔

ٹاس جیت کر بولڈ فیصلہ

انگلینڈ کے کیپٹن  جوز بٹلر ن ٹاس جیتنے میں کامیاب نہیں ہوئے۔  لیکن انہیں وہی مل گیا جو وہ چاہتے تھے۔ ساٹش کیپٹن  رچی بیرنگٹن نے  ٹاس جیت کر خود پہلے بیٹنگ کرنے کا اعلان کیا۔ لیکن ٹاس کے بعد بارش کے سبب  میچ ایک گھنٹہ تک شروع نہیں ہو سکا۔ 

 گروپ بی میں اسکاٹ لینڈ  اور گزشتہ ٹی ٹوینٹی ورلڈ کپ کا فاتح انگلینڈ اپنا اپنا پہلا میچ کھیل رہے ہیں۔

برج ٹاؤن ویسٹ انڈیز میں کھیلے جارہے میچ میں اسکاٹش کپتان نے ٹاس جیت کر پہلے بیٹنگ کرنے کو ترجیح دی ہے۔

پلئینگ الیون
انگلینڈ:   1 جوز بٹلر (کپتان اور وکٹ)،  2  فل سالٹ، 3 ول جیکس، 4 جونی بیرسٹو، 5 ہیری بروک، 6 معین علی، 7 لیام لیونگسٹون، 8 کرس جورڈن، 9 جوفرا آرچر، 10 مارک ووڈ، 11 عادل رشید

سکاٹ لینڈ:   1 جارج منسی، 2 مائیکل جونز، 3 برینڈن میک ملن، 4 رچی بیرنگٹن (کپتان)، 5 میٹ کراس (ڈبلیو کے)، 6 مائیکل لیسک، 7 کرس گریوز، 8 مارک واٹ، 9 بریڈ وہیل، 10 کرس سول، 11 بریڈ کیوری   

سکاٹ لینڈ کے کپتان رچی بیرنگٹن امید کر رہے ہیں کہ ان کی ٹیم ٹورنامنٹ میں جہاں تک ہو سکے  گا ، جائے گی۔

 رچی بیرنگٹن نے ٹاس کے بعد کہا کہ "یہ وکٹ خشک نظر آ رہی ہے، لیکن جیسا کہ ہم نے اس سفر میں اب تک دیکھا ہے، وکٹیں تیزی سے  بدل سکتی ہیں۔"

رچی نے کہا کہ "ایک ٹیم کے طور پر، ہم جہاں تک ہو سکے ترقی کرنا چاہتے ہیں۔ امید ہے کہ ہم باہر آ کر آج کچھ اور خاص یادیں بنا سکیں گے۔"

 انگلینڈ کے کپتان جوز  بٹلر نے کہا کہ وہ  ٹاس جیتتے تو بہرحال پہلے بولنگ کرتے۔ انہوں نے  اس بات کی بھی تصدیق کی کہ آج مارک ووڈ ریس ٹوپلی  کی جگہ  پلیئنگ الیون میں ہیں۔

بٹلر نے کہا کہ "ہر کوئی واقعی جانے کے لیے پرجوش ہے۔ یہ 50-50 کال تھی ۔ لیکن ہم آج ووڈ کی اضافی رفتار کے لیے گئے ہیں،"