(فہد علی)سسرالیوں کے جانب سے چھریوں کے وار سے زخمی ہونے والا شہری جناح ہسپتال میں دم توڑ گیا، پولیس نے لاش مردہ خانے منتقل کر کے کارروائی شروع کردی۔

تفصیلات کے مطابق  چند روز قبل اشفاق نامی شہری اپنی بیوی یاسمین کو منانے اسکے گھر فیصل ٹاؤن گیا تھا، بیوی کے اہل خانہ سے معمولی تلخ کلامی پر لڑائی ہوئی، جس پر بیوی کے اہل خانہ اقبال اور نسرین بی بی نے اشفاق پر تشدد کیا،اقبال نے اشفاق ہر چھریوں کے وار کئےجس سے وہ شدید زخمی ہو گیا ۔ اشفاق کو شدید زخمی حالت میں جناح ہسپتال منتقل کیا گیا ، مگر جانبر نہ ہو سکا ۔

مزید پڑھئے: شوہر کی پراسرار موت پربیوی اور دوستوں کیخلاف مقدمہ درج

پولیس نے مقتول کہ بیوی یاسمین ، اسکے اہل خانہ اقبال اور نسرین بی بی کے خلاف مقدمہ درج کر لیا ہے،پولیس کا کہنا تھا کہ ملزمان کی گرفتاری کو جلد یقینی بنایا جائے گا ۔

واضح رہے کہ فیصل ٹاؤن کے علاقہ میں 2 روز قبل ناراض بیوی کو منانے جانے والے شوہر کو مبینہ طور پر چھریوں کے وار کرکے زخمی کر دیا گیا تھا،زخموں کی تاب نہ لاتے ہوئے اشفاق جناح ہسپتال میں دم توڑ گیا، مقتول اشفاق کے لواحقین کی جانب سے جناح ہسپتال میں احتجاج کیا گیا، ورثاء کا کہنا تھا کہ پولیس ملزمان کے خلاف جلد قانونی کارروائی عمل میں لائے۔

تھانہ فیصل ٹاؤن پولیس کی جانب سے تاحال ملزمان کو گرفتار نہیں کیا گیا، مقتول کے والد کا کہنا تھا کہ اشفاق کو بیوی نے بھائی اور بہن کے ساتھ مل کر چھریاں مار کر بے دردی سے قتل کردیا، انصاف فراہم کیا جائے۔
 یاد رہے کہ  گزشتہ دنوں کاہنہ کے علاقے ویلنشئیا میں نوجوان پراسرار طور پر ہلاک ہو گیا تھا جس پرصفدر کے قتل کا مقدمہ بیوی اور دوستوں سمیت تین افراد کے خلاف درج کیاگیا ہے، کاہنہ کے علاقے ویلنشئیا ٹاون کا رہائشی صفدر اپنی بیوی اور دوستوں کے ہمراہ گھر کے کمرے میں موجود تھا اور صفدر کی حالت بگڑنے کے باوجود اسے ہسپتال منتقل نہیں کیا گیا بلکہ صفدر کی بیوی نے کمرے کو لاک کر رکھاتھا،مقتول صفدر اور اقصی نشے کے عادی تھے جنہوں نے کچھ عرصہ قبل پسند کی شادی کی تھی۔