(ویب ڈیسک) پاکستان تحریک انصاف کے رہنما ایک دوسرے کے خلاف ہوگئے، پارٹی چھوڑ کر جانے والےفواد چودھری اور شیر افضل مروت میں معاملات تو پہلے ہی الجھے ہوئے تھے اب شبلی فراز کے ساتھ بھی شیر افضل مروت کے تعلقات خراب ہوتے دکھائی دے رہے ہیں، اس پر شبلی فراز کا اہم بیان بھی منظرعام پر آیا ہے۔
تفصیلات کےمطابق پاکستان تحریک انصاف کے سینیئر رہنماشیر افضل مروت کی جانب سے استعفیٰ کے مطالبے پر ردعمل دیتے ہوئے شبلی فراز کا کہناتھا کہ شیر افضل مروت کی طرح بڑے لوگ سڑکوں پر پھر رہے ہیں جو استعفیٰ مانگتے ہیں۔
فواد چوہدری کی جانب سے تنقید کے بعد پی ٹی آئی کی قیادت کے ان سے رابطوں سے متعلق شبلی فراز کا کہنا تھاکہ فواد چوہدری سے ہماری جماعت سے کسی نے کوئی رابطہ نہیں کیا۔
انہوں نے کہا کہ پی ٹی آئی میں 2 نہیں ایک ہی بانی پی ٹی آئی کا دھڑا ہے،ہماری پارٹی کے خلاف ایک مہم لانچ کی گئی ہے,کچھ لوگوں کو ٹی وی پر بٹھا کر ایک دوسرے کے خلاف باتیں کروائی جا رہی ہیں، سب جانتے ہیں کہ یہ لوگ کہاں سے آگئے ہیں۔
پنجاب حکومت کی جانب سے بانی پی ٹی آئی کے خلاف بغاوت اور غداری کا مقدمہ درج کرانے سے متعلق سوال کے جواب میں شبلی فراز نےکہا کہ 200 کیسز ہم پر ہوئے ہیں ایک اور سہی، رانا ثنا اللہ اور احسن اقبال نے بیان دیا تھا بانی پی ٹی آئی کو 5 سال جیل میں ہونا چاہیے۔