(ویب ڈیسک)آئی سی سی ٹی ٹوئنٹی ورلڈکپ جیتنے والی بھارتی کرکٹ ٹیم کا وطن واپسی پر تاریخی استقبال ہوا، کھلاڑیوں نے وزیر اعظم نریندر مودی سے ملاقات کی اور پھر ممبئی میں وکٹری پریڈ کرتے ہوئے وانکھڈے اسٹیڈیم پہنچے جہاں شائقین کی بڑی تعداد نے ویلکم کیا۔
تفصیلات کےمطابق ٹی ٹوئنٹی ورلڈکپ 2024 کی 17 سال بعد دوربارہ چیمپئن بننے والی بھارتی ٹیم گذشتہ روز اپنے ملک واپس پہنچی، ٹیم ویلکم کرنے کے لئے بھارتی شہریوں نےفقیدالمثال استقبال کیا، سوشل میڈیا پر متعدد ویڈیوز بھی کافی وائرل ہورہی ہیں جس میں سڑکوں پر ممبئی کی عوام نکلی ہوئی ہے۔
بھارتی کرکٹ ٹیم گذشتہ علی الصبح نئی دہلی پہنچی، ائیر پورٹ پر بورڈ حکام نے استقبال کیا ،کیک بھی کاٹا، فینز کی بہت بڑی تعداد نے اپنے ہیروز استقبال کےلیے پہنچی،ڈھول کی تھاپ پر بھنگڑے بھی ڈالے گئے،بھارتی کپتان روہت شرما نے بھی بھنگڑا ڈالا۔
جس کے بعد ٹیم کچھ دیر ہوٹل میں رکنے کے بعد وزیر اعظم نریندر مودی کی رہائش گاہ پہنچی، وزیر اعظم نے کپتان کوچ اور پوری ٹیم کو ٹائٹل جیتنے پر مبارک باد دی اور فوٹو سیشن بھی ہوا۔
بعد ازاں بھارتی ٹیم ممبئی پہنچی اور پھر میرین ڈرائیو پر بس کے ذریعے وکٹری پریڈ کرتے ہوئے وانکھڈے اسٹیڈیم کی طرف روانہ ہوئی، ممبئی میں وکٹری پریڈ میں ایسا منظر لگا کہ جیسے پورا شہر امڈ آیا۔
شائقین نے اپنی ٹیم کا تاریخی استقبال کیا اور کھلاڑیوں کی جھلک دیکھنے کے لیے سڑکوں پر نکل آئے۔
اس موقع پر کپتان روہت شرما اور اسٹار بیٹر ویرات کوہلی سمیت کھلاڑی اوپن بس میں موجود تھے اور انہوں نے شائقین کے سامنے ٹی ٹوئنٹی ورلڈ کپ کی ٹرافی اٹھائی۔