ویب ڈیسک:بھارتی کوسٹ گارڈ کا ہیلی کاپٹر دھرو اتوار کو گجرات کے علاقے پوربندر میں معمول کی تربیتی پرواز کے دوران گر کر تباہ ہوگیا۔
بھارتی میڈیا کے مطابق حادثے میں عملے کے3 اہلکار موقع پر ہی ہلاک ہوگئے۔
تباہ ہونے والا یہ ہیلی کاپٹر بھارتی کمپنی ہندوستان ایروناٹیکل لمیٹڈ (ہال) نے ہی بنایا تھا، اسی قسم کے ایک ہیلی کاپٹر نے گزشتہ سال ستمبر میں بحیرہ عرب میں کریش لینڈنگ کی تھی۔
یہ ہیلی کاپٹر 2002ء سے بھارتی مسلح افواج میں مختلف سروسز کے لیے زیر استعمال ہے۔
انڈین کوسٹ گارڈ حکام کے مطابق یہ ہیلی کاپٹر تکنیکی خرابی کی وجہ سے حادثے کا شکار ہوا، حادثے کی تحقیقات شروع کردی گئی ہیں۔