ثمرہ فاطمہ:ایکسپو سینٹر میں 38 واں پانچ روزہ لاہور بین الاقوامی کتاب میلہ سج گیا، چیئرمین پیمرا محمد سلیم بیگ نے کتاب میلے کا افتتاح کیا۔
ایکسپو سینٹر لاہور میں سجے کتاب میلے میں 240 سے زائد بک سٹالز لگائے گئے،100سے زائد قومی اور دو عالمی پبلشرز کی کتابیں کتاب میلے کی زینت بنی ہیں۔
کتاب میلے میں طلبہ، طالبات اور شہریوں کی بڑی تعداد شریک ہے، اسلامی، تاریخی، ادبی سمیت مختلف موضوعات پر مشتمل کتابیں لوگوں کی توجہ کا مرکز بنی ہوئی ہیں۔

چیئرمین پیمرا محمد سلیم بیگ کا اس موقع پر کہنا تھا کہ کتب میلے پر آکر بہت خوشی ہوئی ،کتاب سے محبت کرنے والے انسان سے محبت ہے،المیہ ہے کہ ہماری توجہ کتابوں پر کم ہے۔
دنیا تعلیم کے ذریعے آگے آئی ،ہم آگے اس وقت ہوں گے جب تعلیم میں آگے ہوں گے،جہاں بھی موقع ملتا ہے پبلشرز کے مسائل حکومت تک پہنچاتا ہوں۔

چیئرمین پیمرا کا کہنا تھا کہ حکومت سے درخواست ہے پبلشرز کو سپورٹ کیا جائے ،غیر ملکی کتابیں بہت مہنگی ہیں ، پاکستانی پبلشرز مناسب قیمت میں کتابیں چھاپتے ہیں۔