ویب ڈیسک: پاکستان اور زمبابوے کے درمیان سیریز کا تیسرا  اور آخری ٹی ٹوئنٹی انٹرنیشنل میچ آج بولاوایو میں کھیلا جائے گا،سیریز میں پاکستان کوپہلے ہی دو صفر کی فیصلہ کن برتری حاصل ہے۔ 

 قومی ٹیم  میں آج کے میچ کے لیے 4 تبدیلیاں کی جائیں گی ، اوپنر صائم ایوب، فاسٹ بولر حارث روٰف ، اسپنر ابرار احمد او ر عرفان خان نیازی کو آرام دیاجائے گا۔

 آج ٹیم میں کپتان سلمان علی آغا، عمیر بن یوسف، صاحبزادہ فرحان، عثمان خان، طیب طاہر شامل ہیں،میچ  پاکستانی وقت کے مطابق شام چار بجے کھیلا جائے گا۔

 20 اوورز میں 349 رنز اور 37 چھکے، بھارتی ڈومیسٹک ٹی20 میں نیا ورلڈ ریکارڈ قائم

 اس سے قبل سیریز کے دوسرے میچ میں پاکستانی بولرز نے زمبابوے  کو   آؤٹ کلاس کرتے ہوئے صرف 57 رنز پر آؤٹ کر دیا تھا اور 10 وکٹوں سے میچ جیتا تھا،قومی ٹیم سیریز میں آج وائٹ وائش کرنے کے لیے پر عزم ہے۔