ویب ڈیسک : بھارت میں ریلیز ہونے والی آلّو ارجن کی فلم 'پشپا 2' کے پریمیئر شو کے دوران بھیڑ کے بے قابو ہو جانے سے بھگدڑ مچ گئی، جس کے بائث ایک  خاتون دم توڑگئی  جبکہ متعدد زخمیوں کی حالت نازک ہے۔

  رپورٹ کے مطابق  تلنگانہ میں فلم کے پریمیئر شو کے دوران الّو ارجن کی ایک جھلک دیکھنے کے لیے کثیر تعداد میں لوگ جمع ہو گئے تھے،بے قابو بھیڑ کو قابو کرنے کے لیے پولیس کو کافی مشقت کرنی پڑی۔ اس کے بعد انتظامیہ نے ہلکا لاٹھی چارج بھی کیا جس کے بائث بھگدڑ مچنے سے ریوتی نامی ایک خاتون دم توڑگئی جبکہ متعدد زخمیوں کی حالت نازک ہےجنہیں علاج کیلئے ہسپتال میں داخل کروا دیا گیا ہے۔

اس حوالے سے  انتظامیہ کا کہنا ہے کہ حالات قابو سے باہر اس وقت ہوئی جب فلم کی اسکریننگ کے دوران اپنے چہیتے اداکار الّو ارجن کو دیکھنے کیلئے لوگوں کا ہجوم امڈ پڑا تھا۔متاثرہ 39 سالہ خاتون سندھیا تھیئٹر میں ہی بیہوش ہو گئی تھی اور انہیں علاج کے لیے درگا بائی دیشمکھ ہسپتال میں لے جایا گیا  جہاں پہنچنے پر ڈاکٹروں نے انہیں مردہ قرار دے دیا۔ ایک بچے سمیت دیگر زخمیوں کی حالت مستحکم بتائی جا رہی ہے۔

اس پورے معاملے کا ایک ویڈیو بھی سوشل میڈیا پر وائرل ہو رہا ہے جس میں دیکھا جا سکتا ہے کہ پولیس اور آس پاس کے لوگ متاثرہ کی مدد کے لیے دوڑتے نظر آ رہے ہیں۔