(ویب ڈیسک)بھارت میں ڈومیسٹک ٹی 20 کے فارمیٹ میں نیا ورلڈ ریکارڈ قائم ہوگیا۔
سید مشتاق علی ٹرافی میں بروڈا کی ٹیم نے ٹیم سیمین کے خلاف ٹی ٹوئنٹی کا سب سے بڑا اسکور بنا دیا، اس میچ میں بروڈا نے 20 اوورز میں 5 وکٹ کے نقصان پر 349 رنز بنا کر نیا ریکارڈقائم کیا،بروڈا کی اننگز میں مجموعی طور پر ریکارڈ 37 چھکے لگے جب کہ اس سے قبل ایک اننگ میں سب سے زیادہ چھکوں کا ریکارڈ زمبابوے کا تھا جس نے 27 چھکے لگائے تھے۔
خیال رہے کہ اس سے قبل زمبابوے نے آئی سی سی ٹی20 ورلڈکپ کے سب ریجنل کوالیفائر میچ میں گیمبیا کے خلاف 4 وکٹ پر 344 رنز بنائے تھے۔