عابد چودھری: الیکشن ڈیوٹی پر جانے والا ٹی اے ایس آئی ٹریفک حادثے میں جاں بحق ہو گیا، پولیس نے واقع کا مقدمہ درج کر کے کار سوار کی تلاش شروع کر دی۔
پولیس کے مطابق ٹی اے ایس آئی بابر کو کار سوار نے کچلا،بابر موٹرسائیکل پر ہنجروال سے جوہر ٹاؤن جا رہا تھا کہ ایوب چوک کے قریب کار سوار نے اسے کچلا جس کے باعث بابر زخموں کی تاب نہ لاتے ہوئے موقع پر ہی جاں بحق ہو گیا۔
سی سی پی او لاہور کے مطابق محمد بابرتھانہ ہنجروال تعینات تھا اورموٹر سائیکل پر الیکشن ڈیوٹی کے سلسلہ میں جا رہا تھا۔سی سی پی او کا کہنا ہے کہ افسوس ناک واقعے کی تحقیقات کر رہے ہیں اور مقدمہ درج کر کے کار سوار کی تلاش جاری ہے۔