(زین مدنی): نامور گلوکارہ حمیرا ارشد نے کہا ہے کہ دنیا کے بیشتر ممالک میں پر فارم کر چکی ہوں اور ہر جگہ اپنے ملک کا نام روشن کیا ہے۔ آج تک فلموں میں نہ غیر اخلاقی گانے گائے اور نہ ہی آئندہ اس کا ارادہ ہے۔
اپنے ایک انٹر ویو میں معروف گلوکارہ حمیرا ارشد نے کہا کہ مجھے بچپن سے ہی گانے میں دلچسپی تھی۔ اس لئے میں نے باقاعدہ میوزک کی تعلیم حاصل کی، گلوکاری کے دوران متعدد مرتبہ مجھے بطور اداکارہ کام کرنے کی بھی آفرز ہوئیں لیکن میری ترجیح ہمیشہ گلوکاری رہی، میرے نزدیک ایک اچھے اور سچے فنکار کو سیاست سے دور رہنا چاہیئے۔