فاطمہ خان :بوستان کالونی عابد مارکیٹ کی گلیاں سیوریج مسائل سے دوچار ہیں ۔ عرصہ دراز سیوریج نظام سے تنگ علاقہ مکین سراپا احتجاج بن گئے۔
بوستان کالونی عابد مارکیٹ کی گلیاں انتظامی غفلت کے باعث ناقص سیوریج کا شکار ہو گئیں۔ مکینوں کا کہنا ہے کہ ناقص سیوریج نظام کے باعث حادثات ہونا بھی معمول بن گیا ہے ۔علاقے میں تعفن زدہ پانی سے مچھروں کی افزائش ہورہی ہے۔
ابتر صورتحال کے باعث گاہکوں نے مارکیٹ کا رخ کرنا چھوڑ دیا ہے۔انتظامیہ کی نااہلی کے باعث کاروبار متاثر ہورہا ہے ۔مکینوں اور دکانداروں کی جانب سے مطالبہ کیا گیا کہ انتظامیہ جلد از جلد سیوریج نظام کو بہتر بنانے کے لیے مستقل انتظامات کرے۔
