وقاص احمد : لاہور کے علاقے قلعہ گجر سنگھ ، نواب ٹاؤن اور باغبان پورہ سے 3 لاشیں برآمد ہوئیں ہیں ۔
ایدھی ترجمان کے مطابق قلعہ گجر سنگھ ، حاجی کیمپ کے قریب 40 سالہ نامعلوم شخص کی لاش برآمد ہوئی۔ نواب ٹاؤن ، علی رضا آباد سے 35 سالہ شخص کی بوسیدہ لاش برآمد ہوئی ۔ اس کے علاوہ باغبان پورہ ، داروغہ والا چوک فٹ پاتھ کنارے 65 سالہ بزرگ شہری مردہ حالت میں پایا گیا۔
ایدھی ترجمان کا کہنا تھا کہ ہلاک ہونے والے تینوں افراد کی شناخت نہ ہو سکی۔ ایدھی رضاکاروں نے پولیس کی ضروری کارروائی کے بعد لاشیں مردہ خانہ منتقل کر دیں ۔