ویب ڈیسک: سوشل میڈیا پر اس وقت دلچسپ ویڈیو وائرل ہے جسے دیکھ کر انٹرنیٹ صارفین بے حد حیرانی کا اظہار کر رہے ہیں۔
سوشل میڈیا پلیٹ فارمز پر وائرل ویڈیو میں دیکھا جا سکتا ہے کہ ایک مؤذن تراویح پڑھانے میں مصروف ہے اور اس دوران ایک بلی کو کھیل کود کی سوجھ رہی ہے۔ بلی جماعت میں کھڑے درجنوں افراد دیکھ کر خوفزدہ ہونے کے بجائے مؤذن کے اوپر ناصرف چھلانگیں مار رہی ہے بلکہ اس کے کندھے پر چڑھ کر بیٹھ گئی ہے، مؤذن بھی بلی کو جھٹک دینے کے بجائے اس کے ساتھ پیار سے پیش آ رہا ہے۔
View this post on Instagram
ویڈیو دیکھ کر سوشل میڈیا صارفین کا کہنا ہے کہ یہ بلی یا تو اس مؤذن کی پالتو ہے یا اس مسجد میں آتے جاتے رہنا اس بلی کے لیے معمول کی بات ہے۔ سوشل میڈیا صارفین کی جانب سے اس دلچسپ ویڈیو کو ’کیوٹ‘ قرار دیا جا رہا ہے۔