ویب ڈیسک: امریکی محکمہ خارجہ نے وزیراعظم عمران خان کی جانب سے امریکا سے متعلق بیانات کی تردید کرتے ہوئے کہا کہ ان میں صداقت نہیں ہے۔
ترجمان محکمہ خارجہ نے پاکستان میں وزیراعظم عمران خان کے خلاف چلنے والے تحریک عدم اعتماد کے دوران وزیراعظم عمران خان کے امریکا سے متعلق بیانات کی تردید کردی۔
ترجمان محکمہ خارجہ کا کہنا تھا کہ کسی ایک سیاسی جماعت کو سپورٹ نہیں کرتے ، آئین کی بالادستی اور جمہوری اصولوں کو سپورٹ کرتے ہیں، یہ اصول صرف پاکستان کے لیے نہیں بلکہ دنیا کے دوسرے ممالک کے لیے بھی ہے۔
ترجمان محکمہ خارجہ نے کہا کہ امریکا قانون کی حکمرانی اور اس کے تحت برابری کے اصول کو سپورٹ کرتا ہے۔
واضح رہے متحدہ اپوزیشن کی جانب سے وزیراعظم عمران خان کے خلاف تحریک عدم اعتماد پر 3 اپریل کو ووٹنگ ہونی تھی لیکن ڈپٹی اسپیکر قومی اسمبلی قاسم سوری نے اپوزیشن کی تحریک کوآئین کے خلاف قرار دے کر مسترد کردیا تھا۔