لاہور(سپیشل رپورٹر،کرائم رپورٹر)صوبائی دارالحکومت میں چوری وڈکیتی کی متعدد وارداتوں میں شہریوں سے لاکھوں روپے، زیورات، موبائل فون، موٹر سائیکلوں اور گاڑیوں سمیت دیگر قیمتی سامان چھین لیا گیا۔
تفصیلا ت کے مطا بق فیصل ٹاؤن کے علاقہ میں ڈاکوؤں نے سہیل کے گھر سے 5لاکھ کی نقد ی،طلا ئی زیورات اور دیگر سامان،گجر پورہ میں ڈاکوؤں نے مستنصر کے گھر سے 4لاکھ کی نقدی ،طلا ئی زیورات اور دیگر سامان۔غازی آباد میں ڈاکوؤں نے عمر کے گھر سے1لاکھ85ہز ار کی نقدی ،طلا ئی زیورات اور دیگر سامان نصیر آباد کے علا قہ میں ڈاکوؤں نے فیاض کے گھر سے1لاکھ 10ہز ار کی نقد ی ،طلا ئی زیورات اور دیگر سامان، نشتر کالونی میں ڈاکوؤں نے ظہیر کے گھر سے 1 لاکھ، زیورات اور دیگر سامان لوٹ لیا ۔
ملت پارک میں ڈاکوؤں نے سلطان سے48ہزار کی نقد ی اور دیگر سامان. لاری اڈا کے علاقہ میں ڈاکوؤں نے اسلم کی فیملی سے50 ہزار کی نقد ی اور دیگر سامان،فیکٹری ایریا کے علاقہ میں ڈاکوؤں نے نواز کی فیملی سے 35ہز ارکی نقد ی زیورات اور دیگر سامان چھین لیا۔جبکہ ڈیفنس اور راوی روڈ سے گاڑیاں اور سمن آباد ۔ستوکتلہ اور مصری شاہ سے موٹر سائیکلیں چوری ہو گئیں۔
دوسری جانب ڈیفنس سی کے علاقے میں کھیتوں سے32سالہ نامعلوم شخص کی لاش برآمد ہوئی ہے ۔ پولیس نے لاش مردہ خانے منتقل کر کے ورثا کی تلاش شروع کر دی تفصیلات کے مطابق ڈیفنس سی کے علاقہ ایلیٹ فورس ٹریننگ سنڑ بیدیاں روڈ کے قریب کیھتوں میں32 سالہ شخص کی لاش پڑی دیکھ کر مقامی افراد نے پولیس کو اطلاع کی پولیس نے موقع پر پہنچ کر شناخت نہ ہونے پر ایدھی رضاکاروں کی مدد سےلاش لاش کو ایدھی ایمبولینس کے ذریعے مردہ خانے منتقل کر دیا۔ پولیس کے مطابق 32 سالہ نامعلوم شخص نشے کا عادی تھااور نشے کی زیادتی سے ہلاک ہوا۔