ویب ڈیسک: اطالوی سفیر ایچ ای آندریاس فیریریز کی نگراں وفاقی وزیر تجارت و صنعت و پیداوار ڈاکٹر گوہر اعجاز سے ملاقات ہوئی۔
ملاقات میں اٹلی اور پاکستان کے درمیان تجارتی تعلقات کو فروغ دینے کے لیے نئی راہیں تلاش کرنے پر تبادلہ خیال کیا گیا۔ گوہر اعجاز نے دونوں ممالک کے درمیان اقتصادی تعاون کو فروغ دینے کے لیے دو طرفہ تجارت بڑھانے پر تبادلہ خیال کیا ۔
ملاقات میں دونوں فریقوں نے ٹیکنالوجی کی منتقلی اور اسٹیل کی صنعت پر خصوصی توجہ دینے کے ساتھ مختلف شعبوں میں تعاون کے امکانات پر اتفاق کیا۔ گوہر اعجاز نے باہمی اقتصادی ترقی کے مقصد سے اٹلی اور پاکستان کے درمیان تجارتی حجم میں نمایاں اضافہ کرنے کے اپنے وژن پر تبادلہ خیال کیا۔