(مانیٹرنگ ڈیسک) پی ٹی آئی چیئرمین عمران خان کے قریبی ساتھی و سابق معاون خصوصی زلفی بخاری نے برطانوی شہریت چھوڑ دی۔

پی ٹی آئی رہنما زلفی بخاری نے شہریت چھوڑنے کی برطانوی محکمہ داخلہ کی تصدیقی دستاویزات سوشل میڈیا پر بھی جاری کیں، اپنی ٹویٹ میں زلفی بخاری کا کہنا تھاکہ کہا جاتا تھا یہ بھاگ جائے گا، اس کے پاس برطانوی پاسپورٹ ہے۔

انہوں نے کہا کہ آج میں نے پاکستان اور اپنے علاقے اٹک کے لوگوں کیلئے برطانوی شہریت اور وہاں رہنے کا حق چھوڑ دیا ہے، 100 فیصد پاکستانی ہوں، یہیں جینا مرنا ہوگا،اوورسیز پاکستانی ہمیشہ دل میں رہیں گے۔

کہا جاتا تھا یہ بھاگ جائے گا،اس کے پاس برطانوی پاسپورٹ ہے، دوہری شہریت والے پاکستانی نہیں ہوتے

آج میں نے پاکستان کے لیے اور اپنے علاقے اٹک کے لوگوں کے لیے برطانوی شہریت اور وہاں رہنے کا حق چھوڑ دیا ہے
????% پاکستانی ہوں، یہیں جینا مرنا ہوگا،
اوورسیز پاکستانی ہمیشہ دل میں رہیں گے pic.twitter.com/7UsdgBVjVS

— Sayed Z Bukhari (@sayedzbukhari) September 3, 2022

ایک غیر رسمی گفتگو میں زلفی بخاری کا کہناتھا کہ اب باقاعدہ طور پر پاکستانی شہری ہوں اورعمران خان کے ساتھ مل کر حقیقی آزادی کی جنگ لڑوں گا۔