سٹی 42: ملک بھر میں بارشوں کا سلسلہ جاری ہے،ان بارشوں کی وجہ سے ندی نالوں،دریائوں میں طغیانی آگئی ہے،کراچی سمیت کئی شہروں ،دیہات میں سیلابی کیفیت ہے،اس مصیبت کی گھڑی میں پاکستانیوں نے خدمت،انسانیت سے محبت کی عظیم مثالیں قائم کی ہیں۔
خیبر پختونخوا کے ضلع دیر بالا کے دریائے پنجکوڑہ میں سیلابی ریلے میں دو افراد پھنس گئے تھے جن میں سے ایک کو سول ڈیفنس کے تیراک ابراہیم نے اپنی جان خطرے میں ڈال کر نکالا ۔دیر بالاہی کے علاقے شرینگل میں ریسکیو آپریشن کے دوران سیلابی ریلے میں پھنسے ایک شخص کو بچانے کے لیے لیویزکا جوان اپنی جان پرکھیل گیا۔
سوات میں ایک شخص افسر خان نے اپنی جان خطرے میں ڈال کر سیلابی ریلے میں پھنسے کتے کی جان بچالی، واقعے کی ویڈیو سوشل میڈیا پر وائرل ہوگئی ہے اور اس شخص کی ہمت اور جذبے کو خوب سراہا جارہا ہے۔
دیر بالا داروڑہ کے مقام پر سیول ڈیفنس کی ٹیم نے ایک قیمتی جان بچالیا۔ pic.twitter.com/Q88K7zjgEb
— Akhtar Jamal Yousufzai (@AkhtarActivist) September 2, 2020
سیلابی ریلے میں پھنسے کتے کو بچانے والے شخص افسر خان نے کہا کہ اس نے صرف اللہ کی رضا کی خاطر یہ کام کیا ہے، اسے تیرنا آتا تھا اس لیے ڈر نہیں تھا، لیکن کتے کے کاٹنے سے ڈر ضرور لگ رہا تھا۔
Bahrain swat. Today. pic.twitter.com/mlBccwJ8RI
— Qadeer Shah. (@qadeer282) September 1, 2020
خیال رہےکہ خیبرپختونخوا میں حالیہ بارشوں اور سیلابی ریلوں کے نتیجے میں مجموعی طور پر مختلف واقعات میں 30 افراد جاں بحق ہوئے ہیں جبکہ 133 گھروں کو نقصان پہنچا ہے ۔ رپورٹ کے مطابق 31 اگست سے لے کر اب تک حالیہ بارشوں اور سیلابی ریلوں سے صوبہ کے 20 اضلاع متاثر ہوئے ہیں۔
possum saved from being washed away in pouring rain .. pic.twitter.com/kADSNlM7DI
— ℓυşţ мαη (@almalah1411) September 3, 2020