ویب ڈیسک : کسسٹم حکام نے لاہور ائیرپورٹ پر پی آئی اے کی ائیرہوسٹس سمیت ایک شخص کو کروڑوں روپے مالیت کے موبائل فونز کی اسملنگ کرتے رنگے ہاتھوں پکڑ لیا۔ 

 کسسٹم حکام کے مطابق ائیرہوسٹس نادیہ بتول دبئی سے لاہور آنے والی پرواز پی کے 204 میں آن ڈیوٹی تھی۔ ائیرہوسٹس نادیہ بتول نے 30 آئی فونز اپنے جسم کے ساتھ چپھائے ہوئے تھے ۔  برآمد شدہ آئی فونز کی مالیت 1کروڑ 12 لاکھ روپے سے زائد ہے ۔

کسسٹم حکام نے لاہور ائیرپورٹ پر اپنی دوسری کاروائی میں مسافر محمد ارشد اور اسکی اہلیہ سے 37 آئی فونز، میک بک اور ٹیبلٹ برآمد کرلیے ۔ میاں بیوی سے قبضے میں لیے گئے سامان کی مالیت 54لاکھ روپے سے زائد ہے ۔

کسسٹم حکام نے نے ائیرہوسٹس اور مسافر کے خلاف مقدمہ درج کرکے کاروائی کا آغاز کردیا ۔

شاندار کارروائی پر کلیکٹر کسسٹم علی عباس گردیزی نے عملے کو شاباش دی ۔