روزینہ علی : محکمہ موسمیات نے کہا ہے کہ 5 اکتوبر سے ملک کے بالائی علاقوں میں مغربی ہوائیں داخل ہوں گی ۔
محکمہ موسمیات کے مطابق 5 سے 8 اکتوبر کے دوران چترال،دیر،سوات،شانگلہ،مالا کنڈ،صوابی میں بارش کا امکان ہے، اسکے علاوہ 5 سے 7 اکتوبر کے دوران مردان کرم اورکزئی کوہاٹ ہنگو ڈیرہ اسماعیل خان، مری گلیات گجرات وسطی پنجاب اور جنوبی پنجاب کے چند علاقوں میں بارش کا امکان ہے ۔
محکمہ موسمیات کا کہنا ہے کہ 5 سے 7 اکتوبر تک شہر اقتدار اسلام آباد میں بھی بارش کا امکان ہے، 5 سے 8 اکتوبر کے دوران کوئٹہ ژوب لسبیلہ کوئٹہ میں بارش کا امکان ہے۔ اس کے علاوہ صوبہ سندھ کے بیشتر علاقوں میں موسم گرم اور خشک رہے گا ۔