بابو صابو انٹرچینج ،ٹھوکر نیاز بیگ، سیالکوٹ موٹروے پر کنٹینرز،اسلام آباد بھی بند

فاران یامین/طیب سیف :پی ٹی آئی کے اسلام آباد میں احتجاج کے پیش نظر لاہورکے خارجی راستےبند کر دیئے گئے، لاہور، سیالکوٹ موٹروے، بابو صابو انٹرچینج اور ٹھوکر نیاز بیگ پر کنٹینرزرکھ دیئے گئے، دوسری جانب اسلام آباد کے 24 داخلی و خارجی پوائنٹس مکمل بند کر دیے گئے ۔

تفصیلات کےمطابق بابوصابو انٹرچینج پر واٹر کینن، قیدیوں کی وین اور پولیس کی بھاری نفری موجود ہے،، جی ٹی روڈ پر ٹریفک کا دباؤ ہونے کے باعث مسافروں کو پریشانی کا سامنا ہے۔

بابو صابو انٹرچینج کو عام ٹریفک کے لیے بند ہے، ٹھوکر نیاز بیگ انٹر چینج سے بھی کسی ٹریفک کو موٹروے پر داخل نہیں ہونے دیا جا رہا، لاہور سیالکوٹ موٹروے پر بھی داخلے پر کنٹینرز لگا کر پابندی عائد کر دی گئی۔

بابوصابو انٹرچینج پر واٹر کینن، کنٹینر، پرین وین موجود ہیں،اسلام آباد جانے والے شہریوں کو مشکلات کا سامنا ہے،پولیس کی بھاری نفری بھی موجود ہے،جی ٹی روڈ پر ٹریفک معمول کے مطابق رواں دواں ہے،جی ٹی روڈ پر ٹریفک کا دباؤ ہونے کے باعث ٹریفک کی روانی سست روی کا شکار ہوکر رہ گئی ہے۔

دوسری طرف اسلام آباد انتظامیہ کی جانب سے شہر کے چوبیس داخلی و خارجی پوائنٹس مکمل بند کر دیے گئے،ضلعی انتظامیہ اور پولیس کی جانب سے تفصیلات جاری کردی گئیں، نیو مار گلہ روڈ،سنگجانی ٹول پلازہ، واٹر ٹینکی مارگلہ روڈ،نیو مارگلہ لوپ،ایف ٹین،چھبیس نمبر چونگی،زیرو پوائنٹ،خیابان چوک، فیصل چوک، بری امام ٹی کراس بند ہے۔

علاوہ ازیں ایکسپریس چوک،سرینا چوک،روات ٹی کراس،کھنہ پل ،لہتراڑ روڈ مری روڈ نزد ٹریفک آفس،نائتھ ایونیو،گولڑہ موڑ،موٹروے اولڈ ٹول پلازہ، ترنول چوک، چوہڑ چوک، پشاور موٹروے فلائی بھی مکمل بند ہیں،ذرائع ابلاغ کے مطابق تمام راستے رات گئے مکمل طور پر بند کر دئیے گئے۔