ویب ڈیسک: بالی ووڈ کنگ شاہ رخ خان کے بیٹے آریان خان کو نارکوٹکس کنٹرول بیورو (این سی بی) نے گزشتہ روز ممبئی کے ساحل کے قریب موجود ایک کروز جہاز سے منشیات قبضے میں لینے کے بعد گرفتار کر لیا تھا۔
بھارتی میڈیا کے مطابق شاہ رخ خان کے بیٹے آریان خان کی گرفتاری کے چند گھنٹے بعد اداکار سلمان خان گزشتہ روز درمیانی شب کو اداکار سے ملنے ان کے گھر گئے تھے۔اس حوالے سے ایک ویڈیو منظر عام پر آئی ہے جس میں سلمان خان کو ایک سفید گاڑی میں شاہ رخ خان کے گھر’منّت‘کے اندر داخل ہوتے دیکھا جاسکتا ہے۔
Salman khan the only brother of SRK from B-town has come to support his brother in this difficult time
— Javed (@JoySRKian_2) October 3, 2021
Brothers by heart ❤️@iamsrk | @BeingSalmanKhan
pic.twitter.com/jpbhVza8Fc
واضح رہے کہ ممبئی کی مقامی عدالت نے بالی ووڈ کنگ شاہ رخ خان کے بیٹے آریان خان کو منشیات برآمدگی کیس میں ایک دن کے ریمانڈ پر نارکوٹکس کنٹرول بیورو (این سی بی) کی تحویل میں دیتے ہوئے جیل بھیج دیا ہے۔این سی بی نے عدالت سے آریان خان کا دو دن کا ریمانڈ منظور کرنے کی استدعا کی تھی، تاہم عدالت نے اِنہیں ایک دن کے ریمانڈ پر جیل بھیجنے کا حکم دیا ہے۔آریان خان کے ساتھ اس کے دو دوستوں کو بھی این سی بی کی تحویل میں دے دیا گیا ہے جبکہ عدالت نے کیس کی سماعت پیر تک ملتوی کردی۔