(رضوان نقوی) کسٹمز انٹیلی جینس کی لٹن روڈ پر گودام پر بڑی چھاپہ مار کارروائی, کروڑوں روپے مالیت کےسمگل شدہ خشک میوہ جات کی بھاری کھیپ برآمد کرکے ویئرہاؤس منتقل کردی گئی۔
کسٹمز انٹیلی جینس کی ٹیم نے لٹن روڈ پر واقع گودام پر چھاپہ مارکرسمگل شدہ خشک میوہ جات کی بھاری کھیپ برآمد کرلی ہے۔ کسٹمز انٹیلی جینس نے کروڑوں مالیت کےخشک میوہ جات 5مزدہ گاڑیوں میں لوڈ کرکے اپنے گودام میں منتقل کردیئےہیں-
ڈائریکٹر کسٹمز انٹیلی جینس سید اسد رضا رضوی کی ہدایت پرایڈیشنل ڈائریکٹر حسن فرید اورڈپٹی ڈائریکٹر شہزادلیاقت رانجھا کی سربراہی میں آپریشن کیا گیا-سپرنٹنڈنٹ آغا قدیر حیدر, انٹیلی جینس آفیسر ذوالفقارعلی ڈوگر, اکمل شہباز, گلزاربھٹی, عارف میو, ٹیپو سلطان اور سلیم ڈوگر چھاپہ مار ٹیم میں شامل تھے-
کسٹمزانٹیلی جینس حکام کا کہنا ہے کہ رہائشگاہ میں ڈرائی فروٹس کا کاروبار کرنے والے مختلف تاجروں نے مل کرگودام بنا رکھا تھا۔