ڈیفنس (زین مدنی) پرڈیوسرڈائریکٹر اور اداکار یاسر نواز نے اپنی دوسری فلم شروع کردی ہے۔

 اس سلسلے میں معلوم ہوا ہے کہ یاسر نواز نے فلم کا سکرپٹ لکھواکر اس کا پیپر ورک مکمل کر لیا ہے اور اب اس کی عکس بندی آئندہ ماہ سے شروع ہورہی ہے، جبکہ یاسر نواز اپنی دوسری فلم کو بھی منفرد انداز کی بنائیں گے۔

سٹی فورٹی ٹو سے گفتگو کرتے ہوئے یاسر نواز نے بتایا کہ انہوں نے فلم کے میوزک پر ان دنوں کام شروع کیا ہوا ہے اور اب بہت جلد فلم کی عکس بندی کی تیاریاں کرکے آئندہ ماہ میں شوٹنگ کرنا ہے۔

 البتہ یاسر نواز کا کہنا ہے کہ انہیں اپنی دو فلموں کی کامیابی کے بعد اس بات سے آگاہی ہوگئی ہے کہ ہمارے فلم بین کس طرح کی فلم دیکھنا چاہتے ہیں اس لئے اب جو فلم بناؤںگا وہ بھی منفرد اور معیاری ہوگی اور سینما گھر میں لگنے کے بعد کامیاب ہوگی۔

علا وہ ازیں یہ بھی معلوم ہوا ہے کہ فلم کی کاسٹ میں اداکار دانش تیمور، جاوید شیخ، فرحان اسلم اور دو معروف ماڈلز شامل ہیں اور فلم رومانٹک کہانی پر مبنی ہے۔

واضح رہے کہ یاسر نواز  فرید نواز بلوچ کے بیٹے ہیں, یاسر نواز 22 جون 1970 کو کراچی میں پیدا ہوئے ، انہوں نے  اپنے فنی کیریئر کاآغاز ٹی وی ڈراموں سے کیا ا ور آج کل فلموں کی ڈائریکشن دے رہے ہیں،بطور ہدایتکار یاسر نواز کی پہلی فلم رونگ نمبر  تھی، اس فلم میں انہوں نے اداکاری کے جوہر بھی دکھائے۔