سٹی 42:پنجاب پولیس نے  ناجائز اسلحہ کے خلاف کریک ڈاؤن کرتے ہوئے لاہور سمیت تمام اضلاع میں کارروائیاں کیں ۔ رواں سال ملزمان سے 1437کلاشنکوف،37ہزار420پسٹل برآمد ہوئے ۔
ترجمان پولیس کے مطابق ملزمان سے3136بندوقیں،2783رائفلز،689ریوالور برآمد ہوئے ۔ صوبہ بھر میں ملزمان سے لاکھوں کی تعداد میں گولیاں اور کارتوس برآمد ہوئے ۔ جبکہ لاہور شہر میں ملزمان سے 123کلاشنکوف،7918پسٹل برآمد کرلیے گئے،اور لاہور سے ہی  564رائفلز،298بندوقیں اور 123ریوالور ،44ہزار گولیاں اور کارتوس بھی ملزمان کے قبضے سے برآمد کیے گئے ۔