ویب ڈیسک: وزیراعلیٰ پنجاب مریم نواز کی طبیعت ناساز ہو گئی، ان کی بیرون ملک روانگی معالجین کی اجاز ت سے مشروط ہو گی۔
ذرائع کے مطابق وزیراعلیٰ مریم نواز نے شریف میڈیکل سٹی کمپلیکس میں چیک اپ کرایا، مریم نواز کو گلے میں انفیکشن کی تشخیص ہوئی ہے، طبی معالجین نے مریم نواز کو آرام کا مشورہ دیا ہے۔
پارٹی ذرائع نے بتایا ہے کہ مریم نواز کو آج رات لندن کے لئے بھی روانہ ہونا ہے، وزیراعلیٰ پنجاب کی بیرون ملک روانگی طبی معالجین کی اجازت سے مشروط ہو گی۔