سٹی42: ایبٹ آباد میں گلیات کےعلاقہ میں جنگل میں آگ لگ گئی، ہزاروں درخت اور پودے جل گئے۔ پیر کی صبح تک آگ بجھانے کے لئے کوئی نہیں پہنچا۔
گلیات کے جنگل میں آگ لگنے کے بعد مقامی انتظامیہ اور محکمہ جنگلات کے اہلکار سب سوئے پڑے ہیں اور آگ بجھانے کی کارروائی تاحال شروع نہیں کی گئی۔ جنگل میں آگ لگنے سے جنگلی حیات بھی شدید متاثر ہوئی ہے۔
چند روز قبل بلوچستان چمن کے قریب کوہ سلیمان میں چلغوزے کے جنگلات میں بھی آتشزدگی کا واقعہ پیش آیا تھا۔
ڈپٹی کمشنر شیرانی کے مطابق بلوچستان اور خیبرپختونخوا کے دونوں اطراف میں واقع چلغوزے کے جنگلات میں لگی آگ بجھانے کیلئے خیبر پختونخوا کی ریسکیو ٹیموں نے بھی آگ بجھانے کے عمل میں حصہ لیا تھا۔