ویب ڈیسک: پاکستان شوبز انڈسٹری کے معروف اداکار و میزبان فیصل قریشی بہت سے ڈراموں میں اپنی اداکاری کے جوہر دکھا چکے ہیں۔ فیصل قریشی پیسا ایوارڈ کی وجہ سے ان دنوں دبئی میں موجود ہیں۔
فوٹو اینڈ ویڈیو شیئرنگ ایپ انسٹاگرام پر فیصل قریشی نے سٹوری شیئر کی جس میں وہ ایک ٹیکسی میں جارہے تھے کہ اچانک گاڑی کو بری طرح حادثہ پیش آیا ہے، بعد ازاں وہ خود بھی ویڈیو میں دکھائی دے رہے ہیں۔ انہوں نے بتا دیا کہ خدا کے فضل سے وہ اس حادثے میں محفوظ رہے جبکہ گاڑی کو شدید نقصان پہنچا ہے۔
View this post on Instagram
حادثے کی ویڈیو جیسے ہی سوشل میڈیا پر وائرل ہوئی ان کے چاہنے والوں کی جانب سے خیریت دریافت کی جارہی ہے۔
فیصل قریشی مختلف ڈراموں میں اداکاری کے جو ہر دکھا چکے ہیں جن میں جہیز، دیور، آخری بارش، آنسو، مانے نہ یہ دل، عشق عبادت، میرا یقین، اندھیرا اُجالا،سبز پری لال کبوتر، خوشبو کا گھر ، وعدہ ، آشتی، میں عبدالقادر ہوں، من کے موتی ، حیوان، مریم، میرا سائیں، رنگ لگا، زخم، بھیگی پلکیں،خلش، قید تنہائی،ادھوری عورت، میری ذات ذرہ بے نشان، بشر مومن اور مول ہیں۔