پی ٹی آئی کے چیئرمین بیرسٹر گوہر نے تسلیم کر لیا کہ پی ٹی آئی کے ساتھ اسٹیبلشمنٹ اور حکومت کی کوئی پس پردہ بات چیت نہیں ہو رہی۔ انہوں نے کہا کہ مذاکرات کو حکومت نے نہیں چلنے دیا۔
اڈیالہ جیل میں اپنے بانی سے ملاقات س کے لئے اندر جانے سے پہلے بیرسٹر گوہر نے سحافیوں کے ساتھ باتیں کیں۔ انہوں نے کہا کہ بانی کے ساتھ ملاقاتوں میں رکاوٹیں آتی ہیں۔ ان رکاوٹوں کو ہٹانے کے لئے بار بار اسلام آباد ہائیکورٹ رجوع کیا ہے۔
بیرسٹر گوہر نے سوالات کے جواب میں تسلیم کیا کہ پی ٹی آئی کی قیادت کے ساتھ کسی کی بھی پس پردہ کوئی بات چیت نہیں ہورہی، ہماری بات چیت شروع ہوئی تھی لیکن اسکا کوئی نتیجہ نہیں نکلا۔
ان کا کہنا تھاکہ حکومت مذاکرات کو چلانے میں ناکام رہی ہے، اچھا ہوتا بات چیت میں پیشرفت ہوتی سیاسی مسئلے کا سیاسی حل نکلنا چاہیے۔