سٹی42: پنجاب کی وزیر اعلیٰ مریم نواز شریف نے صوبہ میں سڑکوں کی تعمیر، مرمت اور بحالی کے لئے ڈیڈ لائن پر عملدرآمد یقینی بنانے کی ہدایت کر دی۔
مریم نواز نے یہ ہدایت سڑکوں کی تعمیر ، توسیع اور بحالی کے پراجیکٹس پر پیش رفت کاجائزہ لینے کے لئے اجلاس کے دوران کی۔
اجلاس میں سی اینڈ ڈبلیو ڈیپارٹمنٹ کے سیکرٹری سہیل اشرف نے سڑکوں کی بحالی کے پروگرام پر بریفنگ دی۔
وزیر اعلیٰ مریم نواز شریف نے ہدایت کی کہ پنجاب میں سڑکوں کی تعمیر و مرمت مکمل کرنے کا ہدف حاصل کیا جائے-
وزیراعلی مریم نوازشریف کو 5اہم ایکسپریس ویز کی تعمیراور بحالی کے منصوبوں پر بھی بریفنگ دی گئی ۔ وزیر مواصلات و تعمیرات صہیب احمد بھرت، سیکرٹری سی اینڈ ڈبلیواو بھی موجود تھے۔