(ویب ڈیسک) وزیراعظم شہباز شریف 4 روزہ دورے پر چین روانہ ہوگئے۔

وزیراعظم شہباز شریف لاہور ایئرپورٹ سے چین کیلئے روانہ ہوئے، پاکستانی تاجروں اور سرمایہ کاروں کا بڑا وفد بھی ان کے ہمراہ ہے، شہباز شریف 4 سے 8 جون تک چین کا دورہ کریں گے۔

شہباز شریف چین کے دورے کے پہلے مرحلے میں شینزن جائیں گے، وزیراعظم جدید آئی ٹی کمپنیوں کا دورہ اور فورم میں شرکت کریں گے۔

دورے کے دوران 79 پاکستانی کمپنیوں کے نمائندے شینزن میں چینی کمپنیوں کے نمائندوں سے ملاقاتیں کریں گے۔