سٹی 42: طالبعلموں کے لئے حکومت بڑا پیکج، بیس پودے لگاؤ ، امتحان میں بیس نمبر پاؤ ، نئی پالیسی آگئی۔
وزیر مملکت زرتاج گل کا کہنا ہے جو طالب علم 20 پودے لگائے گا، اسے امتحان میں 20 نمبر ملیں گے۔سٹی فورٹی ٹو سے خصوصی گفتگو کرتے ہوئے وزیر مملکت کا کہنا ہےکہ طلبا کیلئے بل قومی اسمبلی میں لا رہی ہوں، وزیراعظم صاحب کو یہ پیکج بہت پسند آیا ہے۔ یہ بیس نمبر ان کے سیلیبس کا حصہ ہوں گے۔اراکین اسمبلی کی باہمی مشاورت سے بل منظور کیا جائے گا۔
ان کا مزید کہنا تھا کہ اب تک ہم نے دس ارب درخت لگانے کے منصوبے کے تحت ایک ارب درخت لگا دیئے گئے ہیں باقی 9 ارب درخت لگانے میں تھوڑی دشواری کا سامنا تھا جلد اس ہدف کو مکمل کر لیا جائے گا۔ صوبائی حکومتوں کی سستی تھی جو اب مسئلہ حل ہو چکا ہے۔