دورہ انگلینڈ اور ویسٹ انڈیز کے لیے قومی اسکواڈز کا اعلان

سٹی 42:  قومی کرکٹ ٹیم کی سلیکشن کمیٹی  کی  جانب سے دورہ انگلینڈ اور ویسٹ انڈیز کے لیے قومی اسکواڈز کا اعلان کردیا گیا، حارث سہیل اور عماد وسیم کی قومی ون ڈے اور ٹی ٹونٹی اسکواڈزمیں واپسی۔

 تفصیلات کے مطابق  قومی کرکٹ ٹیم کی سلیکشن کمیٹی کی  جانب سے دورہ انگلینڈ اور ویسٹ انڈیز کے لیے قومی اسکواڈز کا اعلان کردیا گیا  جس کےمطابق   حارث سہیل اور عماد وسیم کی  ون ڈے اور ٹی20 اسکواڈزمیں واپسی ہوئی ہے، محمد عباس اور نسیم شاہ دوبارہ قومی ٹیسٹ اسکواڈ کا حصہ بن گئے ، اعظم خان پہلی مرتبہ قومی ٹی 20 اسکواڈ اور سلمان علی آغا قومی ون ڈے انٹرنیشنل اسکواڈمیں شامل  ہوئے ہیں، یاسر شاہ کی قومی ٹیسٹ اسکواڈ میں شمولیت فٹنس سے مشروط ہے جبکہ  پاکستان کو انگلینڈ کے خلاف 3 ون ڈے اور 3 ٹی ٹونٹی جبکہ ویسٹ انڈیز کے خلاف 5 ٹی 20 اور 2 ٹیسٹ میچز پر مشتمل سیریز کھیلنی ہے۔

قومی کرکٹ ٹیم کی سلیکشن کمیٹی نے دورہ انگلینڈ اور ویسٹ انڈیز میں شامل 3 ون ڈے، 2 ٹیسٹ اور 8 ٹی ٹونٹی انٹرنیشنل میچز کے لیے بھی  قومی اسکواڈز کا اعلان کردیا ہے،اسکواڈز میں چار کھلاڑیوں حارث سہیل اور عماد وسیم کی بالترتیب قومی ون ڈے انٹرنیشنل اور قومی ٹی 20اسکواڈز ،محمد عباس اور نسیم شاہ کی قومی ٹیسٹ اسکواڈ میں واپسی ہوئی ہے۔

مڈل آرڈر بیٹسمین اعظم خان کو پہلی مرتبہ قومی ٹی20اسکواڈ جبکہ سلمان علی آغا کو قومی ون ڈے انٹرنیشنل اسکواڈ کا حصہ بنایا گیا ہے،لیگ اسپنر یاسر شاہ تاحال گھٹنے کی انجری سے صحتیاب نہیں ہوسکے لہٰذا ان کی قومی ٹیسٹ اسکواڈ میں شمولیت فٹنس سے مشروط رکھی گئی ہے، لیگ اسپنر کو اسی انجری کی وجہ سے زمبابوے کے خلاف ٹیسٹ اسکواڈ سے باہر کیا گیا تھا۔

دوسری جانب نعمان علی، ساجد خان اور زاہد محمود کو بھی ویسٹ انڈیز کے خلاف قومی ٹیسٹ اسکواڈ میں برقرار رکھا گیا ہے، لیفٹ ہینڈ بیٹسمین فخر زمان جنہیں جنوبی افریقہ کے خلاف ون ڈے انٹرنیشنل سیریز میں عمدہ کارکردگی کی بدولت قومی ٹی20اسکواڈ میں بطوراضافی کھلاڑی شامل کیا گیا تھا انہیں بھی قومی ٹی 20اسکواڈ میں برقرار رکھا گیا ہے۔ دورے کے لیےاعلان کردہ قومی ون ڈے اور ٹی20انٹرنیشنل اسکواڈز بالترتیب18 اور 19 کھلاڑیوں پر مشتمل ہیں۔ ان دونوں اسکواڈز میں 13 کھلاڑی ایسے ہیں جو دونوں طرز کی کرکٹ میں پاکستان کی نمائندگی کریں گے۔

قومی ٹیسٹ اسکواڈ میں مجموعی طور پر 21 کھلاڑی شامل ہیں جن  میں  سے 8 کرکٹرز ایسے ہیں جو تینوں فارمیٹ میں قومی اسکواڈ کی نمائندگی کررہے ہیں

 ون ڈے اسکواڑ میں  کپتان  بابر اعظم ، شاداب خان ،عبداللہ شفیق ، فہیم اشرف، فخر زمان،حیدر علی ،حارث رؤف ،حارث سہیل ، حسن علی ،امام الحق ،محمد حسنین ،محمد نواز، محمد رضوان ،سلمان علی آغا،سرفراز احمد،سعود شکیل،شاہین شاہ آفریدی اورعثمان قادر شامل  ہیں  ٹی 20اسکواڑ میں کپتان بابر اعظم ، شاداب خان ،ارشد اقبال ،اعظم خان  ،فہیم اشرف،فخر زمان،حیدر علی ،حارث رؤف، حسن علی ،عماد وسیم ،محمد حفیظ ،محمدحسنین ،محمد نواز،محمد رضوان ،محمد وسیم جونیئر ،سرفراز احمد ،شاہین شاہ آفریدی ،شرجیل خان اور عثمان قادر شامل ہیں 

ٹیسٹ اسکواڑ میں کپتان بابر اعظم ،محمد رضوان ،عبداللہ شفیق ،اظہر علی،فہیم اشرف،فواد عالم ،حارث رؤف ،حسن علی ،عمران بٹ ،محمد عباس ،محمد نواز ،نسیم شاہ ،نعمان علی ،ساجد خان  ،سرفراز احمد،سعود شکیل ،شاہین شاہ آفریدی ،شاہنواز دھانی ، یاسر شاہ،اور زاہد محمود، محمد وسیم شامل ہیں