مسعود گردیزی : ایس ایس پی راولاکوٹ ریاض مغل کی نگرانی میں پولیس کا مفرور قیدیوں کے خلاف سرچ آپریشن جاری ہے، پولیس نے اٹھارہ مفروران میں سے 3 مفرور قیدی گرفتار کر لئے ۔
ایس ایس پی راولاکوٹ نے اپنی پریس بریفنگ میں کہا کہ ڈسٹرکٹ جیل سے فرار قیدیوں کی گرفتاری کے لیے آپریشن جاری ہے۔ جیل سے فرار 3 قیدیوں کو گرفتار کر لیا گیا، دیگر مفرور قیدیوں کو بھی جلد گرفتار کر لیں گے۔ فرار قیدیوں کی گرفتاری کے آپریشن میں مزاحمت پر دو پولیس اہلکار زخمی ہوئے، گرفتار قیدیوں میں فیضان اور عثمان شامل ہیں، جو کہ سزاے موت میں قید تھے۔ تمام مفروران خطر ناک ہیں اور ان کے گرفتاری کے لیے انعامی رقم مختص کی گی ہیں۔
واضح رہے کہ چار روز قبل راولاکوٹ جیل سے خطرناک 19 قیدی فرار ہوئے تھے، جن میں سے ایک قیدی گولی لگنےسے جاں بحق ہوگیا تھا۔