اسرار خان: ڈولفن سکواڈ نے چور گینگ کے سرغنہ سمیت2 ملزمان کو گرفتار کر لیا ۔
کوٹ لکھپت کے علاقہ میں ڈولفن سکواڈ نے چور گینگ کے سرغنہ کو گرفتار کر لیا ۔ ڈولفن ٹیم نے پٹرولنگ کے دوران مشکوک شخص کو رکنے کا اشارہ کیا، جس نے فرار ہونے کی کوشش کی ۔ ڈولفن اہلکاروں نے تعاقب کے بعد اسے دھر لیا ۔ اتفاقاً پکڑا جانے والا ذیشان 83 مقدمات میں ملوث نکلا۔ ڈولفن فورس نے اسے مزید کارروائی کے لئے کوٹ لکھپت پولیس کے حوالے کر دیا ۔
چوہنگ کے مین بازار میں شہری سے موبائل فون چھیننے والے ملزم کو بھی ڈولفن ٹیم نے گرفتار کر لیا ۔ ملزم اسد سے چھینا گیا موبائل فون برآمد ہو گیا ۔ ملزم کو قانونی کارروائی کیلئے چوہنگ پولیس کے حوالے کر دیا گیا ۔