ویب ڈیسک: بھارت میں ایک چھوٹے بچے نے ملکہ ترنم نورجہاں کی غزل گا کر سب کو حیران کردیا،گانے کی ویڈیوبھی وائرل ہوگئی۔
کمسن گلوکار نشانت گپتا کی مہارت سے گائی ہوئی غزل’’نیت شوق بھر نہ جائے کہیں‘‘ کی وائرل ویڈیو نے سوشل میڈیا صارفین کو مسحور کردیا ہے۔
شانت گپتااپنے والد کے ذریعے انسٹاگرام پر اکثر شیئر کی جانے والی پرفارمنس میں اپنی سریلی آواز کا مظاہرہ کرتے ہیں،وائرل ہونے والی ویڈیو میں نشانت گپتا ناصر کاظمی کی لکھی مشہور غزل ’’نیت شوق‘‘ گا رہے ہیں جسے پاکستان میں ملکہ ترنم نورجہاں اور بھارت میں آشا بھوسلے نے گایا ہے،نشانت نے غزل گاتے ہوئے ہارمونیم بھی بجایا۔
نشانت نے اپنی انسٹاپوسٹ میں لکھا کہ نیتِ شوق، اتنی درخواستوں کے بعد،اصل میں نورجہاں جی اور آشا جی نے کیا شاہکار گایا ہے،مجھ میں اتنی ہمت تو نہیں کہ ایسی شاہکار کوشش کروں لیکن اس میں سیکھنے کو بہت کچھ ہے اس لیے میں نے یہ غزل گانے کی کوشش کی ہے،براہ کرم میری غلطیوں کے لیے پیشگی معاف کردیں۔