ویب ڈیسک:خوب صورت اداکارہ نیلم منیرکی دبئی میں شادی پرسوشل میڈیاصارفین نے انہیں مبارک باددینے کے ساتھ ساتھ دلچسپ تبصرے بھی کئے ہیں۔
نیلم منیر کی اچانک سامنے آنے والی شادی کی خبر نے ان کے مداحوں کو حیران کر دیا ہے،وہ یہ جاننے کے لیے بے تاب ہیں کہ نیلم منیرکے شوہرکون ہیں کیونکہ ابھی تک اداکارہ کی جانب سےشوہرکے ساتھ شادی کی تصاویرشیئرکی گئی ہیں جبکہ ان کانام نہیں بتایاگیااورنہ ان کے بارے میں کوئی معلومات فراہم کی گئی ہیں۔
متعدد سوشل میڈیا رپورٹس کے مطابق اداکارہ کے شوہر کا تعلق دبئی سے ہے اور وہ ایک کاروباری شخص ہیں۔
نیلم منیر کی نکاح کی پوسٹ پر دلچسپ تبصرے کیے جا رہے ہیں،کسی صارف کا کہنا ہے کہ نیلم منیر نے "حبیبی کم ٹو دبئی" کو بہت سنجیدہ طور پر لے لیا ہے جبکہ کسی نے لکھا ہے کہ "فائنلی حبیبی وینٹ ٹو دبئی"
کسی نے لکھا ہے کہ شیخ بہت شریف انسان لگ رہا ہے، اللّٰہ جوڑی سلامت رکھے۔
ایک صارف نے لکھا ہے کہ نیلم منیر نے دورِ حاضر کی متعدد اداکاراؤں کی طرح نامناسب لباس پہننے کے بجائے خوبصورت اور مکمل لباس پہنا ہے،انسٹا گرام پر ایزل فاطمہ نامی صارف نے دعویٰ کیا ہے کہ شادی کو ایک ماہ ہو چکا ہے جبکہ سوشل میڈیا پر پوسٹ دیر سے کیا جا رہا ہے۔
ایک صارف نے نیلم منیرکی شیخ سے شادی پر تنقید کرتے ہوئے سوال کیا کہ اداکارہ کس نمبر کی اہلیہ بنی ہیں؟ جبکہ ایک اور صارف نے لکھا ہے کہ نیلم منیر کے بار بار دبئی جانے کی یہ وجہ تھی، اداکارہ نے لمبا ہاتھ مارا ہے۔
