سٹی42: پنجاب حکومت نے رمضان بازار میں سستی اشیائے خور و نوش فراہم کرنے کی بجائے یا راشن پیکج کے تھیلے تقسیم کرنے کی بجائے مدد کے مستحق شہریوں کو رمضان میں نقد رقم دینے کا فیصلہ کر لیا۔
ذرائع کے مطابق پنجاب حکومت کی جانب سے رمضان بازار یا راشن پیکج کی بجائے نقد رقم دینے کا فیصلہ کرلیا گیا، پرائس کنٹرول اینڈ کموڈیٹیز مینجمنٹ پنجاب نے فنڈز کی فراہمی کے لیے سمری ارسال کر دی،سمری کے مطابق صوبے بھر میں مستحق خاندانوں میں 30 ارب روپے تقسیم کیے جائیں گے، مستحق خاندان کو رمضان پیکیج کی مد میں گھر کی دہلیز پر 10 ہزار روپے فراہم کیے جائیں گے۔
ذرائع کے مطابق بینک آف پنجاب فی خاندان پے آرڈر پاکستان پوسٹ کے ذریعے گھر گھر تقسیم کرے گا، پے آرڈر ملنے کے بعد فی خاندان بینک میں جمع کروا کر رقم وصول کرے گا، کیش وصول کرنے کے لیے شناختی کارڈ اور بائیو میٹرک کروانا لازم ہوگا۔
سمری کے مطابق رمضان کیش پیکج فراہمی پر بینک کو 51 کروڑ 9 لاکھ روپے سروس چارجز کی مد میں ادا کئے جائیں گے۔ پنجاب حکومت کے اس انقلابی فیصلہ کا مقصد رمضان پیکیج کی امداد کی تقسیم مین کسی بھی سطح پر کرپشن کے تمام امکانات کا خاتمہ کرنا ہے۔ نقد رقم جن گھرانوں کو بھیجی جائے گی اس کا مکمل ویری فائی ایبل یکارڈ موجود ہو گا اور تمام معاملات کا مکمل آڈٹ ہو سکے گا۔
پاکستان پوسٹ کو سروسز چارجز کی مدمیں 82 کروڑ پانچ ادا کئے جائیں گے،پرائس کنٹرول اینڈ کموڈیٹیز مینجمنٹ پنجاب رمضان پیکج پر عملدرآمد کروائے گا۔