سٹی 42: لاہور میں اتوار کی صبح تھوڑی تھوڑی کر کے اچھی خاصی بارش برس گئی۔  بارش سے موسم خوشگوار ہو گیا، بہار کا خاموشی سے آغاز ہو گیا۔

مدھم بارش سے ماحول میں خنکی بڑھ گئی تاہم آسمان پر بادل اب کم ہو گئے ہیں۔ امکان ہے کہ آج دن کے دوران دھوپ نکل آئے گی۔

لاہور میں بہار کا خاموشی سے آغاز ایک ہفتہ پہلے ہو چکا ہے۔ توقع ہے کہ حالیہ بارش کا آج اختتام ہوتے ہی موسم میں بدلاؤ واضح ہونے لگے گا اور لاہور کے باسی 8 فروری کو ووٹ ڈالنے جائیں گے تو وہ واضح طور پر بہار کا ایک دن ہو گا۔