ویب ڈیسک: اپنے دوستوں کے ساتھ ہاسٹل کی لفٹ میں کھڑا اچانک چھٹی منزل سے گر گیا۔
تفصیلات کے مطابق بھارتی ریاست راجستھان کے علاقے کوٹا میں ایک چونکا دینے والا واقعہ پیش آیا، جہاں اپنے دوستوں کے ساتھ ہنستا ہوا لڑکا اچانک لفٹ میں پھسل گیا اور ہاسٹل کی چھٹی منزل سے گر کر ہلاک ہوگیا۔ اس افسوسناک واقعے کی سی سی ٹی وی ویڈیو کیمرے میں قید ہوگی، جس نے سب کے ہوش اڑا دیے ہیں۔
سی سی ٹی وی فوٹیج میں دیکھا جاسکتا ہے کہ چار لڑکے ایک لفٹ میں موجود ہوتے ہیں، ایک دوسرے کے ساتھ ہنسی مذاق میں لگے ہوتے ہیں، لفٹ کھلتے ہی تین لڑکے باہر نکلنے لگتے ہیں جبکہ چوتھا لڑکا جوتا پہننے کیلئے دوسری جانب لگی ہوئی جالی سے ٹیک لگاتا ہے، وہ جالی ٹوٹی ہوتی ہے جس کی وجہ سے وہ ٹیک لگاتے ہی پھسل کر لفٹ کے نیچے گرجاتا ہے۔ پیچھے موجود اس کے دوست حیران ہوتے ہیں کہ یہ کیا ہوگیا، پھر تینوں باہر کی جانب دوڑ لگاتے ہیں۔
افسوسناک واقعے کے بعد طلبہ نے ہاسٹل کے حکام کے خلاف بے حد غصے کا اظہار کیا۔
واضح رہے کہ جواہر نگر پولیس کی جانب سے معاملے کی جانچ پڑتال شروع کردی گئی ہے۔