(زین مدنی )سٹیج ڈرامے میں اصلی گولیاں چل گئیں، اداکارہ مہک نور کی ڈانس پرفارمنس کے دوران عمران نامی شخص نے فائرنگ کردی جس سے ڈانسر نوید جاں بحق ہوگیا.
راولپنڈی کے فیروز تھیٹر میں عمران نامی شخص نے اداکارہ مہک نور کے گانے کے دوران فائرنگ کر دی ۔فائرنگ کرتے کی سی سی ٹی وی فوٹیج 24 نے حاصل کر لی ۔ڈانسر نوید کے لواحقین نے عمران نامی شخص اور تھیٹر مالکان کے خلاف ایف آئی آر درج کروا دی۔
پولیس کے مطابق راولپنڈی کے تھانہ کینٹ کی حدود میں واقع فیروز تھیٹر میں سٹیج ڈرامہ چل رہا تھا جب اداکار نوید کی ایک شخص سے تلخ کلامی ہوئی۔
جس پر ملزم نے تھیٹر کے اندر ہی گولیاں چلا دیں۔ فائرنگ کے باعث سٹیج اداکار نوید شدید زخمی ہونے کے بعد جان کی بازی ہار گیا۔
پولیس کے مطابق مقتول کے بھائی کی مدعیت میں مقدمہ درج کرنے کے بعد واقعے کی تحقیقات کا آغاز کر دیا گیا، جبکہ قاتل کی گرفتاری کی کوششیں جاری ہیں۔