(زین مدنی ) ڈرامہ سیریل الف میں حسن جہاں کا کردار ادا کرنے والی فلم اور ٹی وی کی معروف اداکارہ کبریٰ خان نے اپنی ایک پوسٹ کے ذریعے بتایا کہ کیسے حسنِ جہاں کا کردار ان کی حقیقی زندگی پر اثر انداز ہوا۔
کبریٰ خان نے حال ہی میں انسٹا گرام پر اپنی ایک تصویر شیئر کرنے کے ساتھ ساتھ ایک طویل کیپشن کے ذریعے اپنے اس کردار کے حوالے سے بتایا۔ کبری خان نے اپنی پوسٹ کے آغاز میں لکھا کہ میں نے حسنِ جہاں کے کردار میں اداکاری نہیں کی بلکہ میں اس کردار میں رہتی تھی، ہر اداکار کی زندگی میں کم از کم ایک بار ایسا وقت ضرور آتا ہے اور وہ ایک کردار یا سکرپٹ ہوتا ہے، جو اس کی زندگی کو بدل دیتا ہے، حسنِ جہاں کا کردار میرے لیے یہی لمحہ تھا جس نے مجھ پر گہرا اثر کیا، اس کردار نے مجھے ہمت کا سبق دیا کہ کیسے ایمان، صبر، لچکداری اور بے لوثی کی جانب گامزن ہوتے ہیں، یہ کردار ہمیشہ میرا ایک بڑا حصہ ہوگا بعد ازاں اداکارہ نے اس سفر کیلئے اللہ کا بے حد شکر ادا کیا۔