(زین مدنی ) معروف اداکار احسن خان نے مقبول ڈرامہ سیریل الف میں کام کرنے کی وجہ بتادی۔

  احسن خان نے ایک چینل کو دیئے گئے انٹرویو میں کہا کہ کچھ اداکار ایسے بھی ہوتے ہیں جنہیں سکرپٹ کی پیشکش کرنے کے پیچھے کوئی وجہ ہوتی ہے اور میں ان خوش نصیب افراد میں سے ہوں جنہیں ڈرامہ آفر ہوتا ہے تو اس کے پیچھے کوئی نہ کوئی خاص وجہ ہوتی ہے کیونکہ میں اتنا کام نہیں کر رہا کہ مجھے ہر کردار کیلئے کاسٹ کیا جائے، مجھے ڈرامہ الف کے ہدایت کار حسیب حسن کی جانب سے اس ڈرامے کی آفر کی گئی، یہ ڈرامہ عمیرہ احمد نے لکھا ہے جوکہ کم لکھتی ہیں، چند رائٹرز ایسے ہیں جوکہ اچھا لکھتے ہیں اور عمیرہ احمد ان میں سے ایک ہیں جن کے سکرپٹ پر ہم خود کام کرنے کی خواہش رکھتے ہیں۔

واضح رہے کہ روحانیت، صوفی اور محبت کی داستان پر مبنی ڈرامہ سیریل الف میں حمزہ علی عباسی، احسن خان، سجل علی اور کبریٰ خان مرکزی کردار ادا کر رہے ہیں۔