(عمران یونس) پنجاب فوڈ اتھارٹی کی لیبلنگ ہدایات پر کمپنیوں نے عمل درآمد شروع کر دیا،معروف انٹرنیشنل برانڈ ریڈ بل نے پراڈکٹ کی نئی لیبلنگ فوڈ اتھارٹی کو جمع کرادی۔

تفصیلات کے مطابق معروف انٹرنیشنل برانڈ ریڈ بل نےاپنی پراڈکٹ کی نئی لیبلنگ متعارف کرا دی ہے،پراڈکٹ پرریڈ بل انرجی ڈرنک کی جگہ ریڈ بل سٹیمولنٹ ڈرنک تحریر کر دیا گیا ہے،پراڈکٹ پرحلال کا لفظ بھی تحریر کیا گیا ہے,12 سے کم عمر بچے اور حاملہ خواتین کے استعمال نہ کر نے کی ہدایت بھی کی گئی ہے.

ریڈ بل کمپنی نےنئی لیبلنگ والی پراڈکٹ منظوری کیلئے پنجاب فوڈ اتھارٹی کو جمع کرادی،فوڈ اتھارٹی کا سائنٹیفک پینل نئی لیبلنگ کی تحقیق کرے گا،فوڈ اتھارٹی قوانین کے مطابق ہونے پرمنظوری دی جائے گی۔