ویب ڈیسک : انڈونیشیا کے معروف پہاڑ ماؤنٹ سیمرو نے اچانک لاوا اگلنا شروع کردیا ، قریبی آبادیوں پر تاریکی چھا گئی، فضا سے راکھ برسنا شروع ، ہزاروں افراد کا انخلا جاری ہے۔
رپورٹ کے مطابق جاوا کے قریب سطح سمندر سے 3 ہزار میٹر بلند معروف پہاڑی ماؤنٹ سیمرو نے اچانک لاوا اگلناشروع کردیا جس کے بعدقریبی دیہات میں خوف کی لہر دوڑ گئی اور چیختے چلاتے جان بچانے کے لئے بھاگنے لگے۔ انڈونیشیائی حکومت کے محکمہ قدرتی آفات کے مطابق ردتیا جانی نامی قصبے اور قریبی دیہات سے گذشتہ دودنوں سے ہزاروں افراد کا بحفاظت انخلا یقینی بنایا گیا ہے۔ ترجمان کے مطابق پہاڑ کی ڈھلوان پر 550 افراد رہائش پذیر تھے جنہیں سب سے پہلے بچایا گیا