(سٹی 42)مصر کی ماڈل سلمیٰ الشیمی بولڈ فوٹو شوٹ کروانے کے الزام میں گرفتار جبکہ غیر اخلاقی فوٹو شوٹ کرنے پر فوٹوگرافر کو بھی موقع پرحراست میں لے لیا گیا۔
تفصیلات کے مطابق مصر کی مشہور ماڈل اور ڈانسر سلمیٰ الشیمی قاہرہ سے باہر آثار قدیمہ کے ایک حصہ اہرام زوسر میں فرعون جیسا لباس پہن کر بولڈ فوٹو شوٹ کروا رہی تھیں جس کے نتیجے میں فوٹو گرافر اور ماڈل دونوں کو گرفتار کر لیا گیا۔ عدالت نے بعد میں 1000 مصری پاؤنڈ کے عوض ماڈل کو ضمانت پر رہا کرنے کا حکم جاری کیا۔ مصر کے سیاحتی عہدیداروں کی جانب سے ماڈل کے فوٹو شوٹ کو ملکی تاریخ کا سب سے ناگوار عمل قرار دیا گیا ہے تاہم ماڈل اور ان کے فوٹوگرافر کا کہنا ہے معاوضہ کی صورت میں ملکی آثار قدیمہ پر پیشگی اجازت کے بغیر بھی فوٹو شوٹ کیا جا سکتا ہے۔
View this post on Instagram
یاد رہے کہ مصری ماڈل سلمیٰ الشیمی کے آفیشل انسٹاگرام پر چند دن قبل کچھ تصاویر شیئر کی گئی تھیں، تصاویر میں ماڈل و رقاصہ کو فن تعمیر کے قدیم شاہکار زوسر کے اہرام کے نزدیک کھڑا دیکھا جا سکتا ہے۔ ماڈل بیلٹ، ہار اور ہیڈ بینڈ والا مختصر سفید لباس پہنے دیکھی جا سکتی ہے۔